حبة عقد

من مشاكل الشعب المصرى معياي رفضهم لقلة أدبى الواضحه و لو كانت محدوده

و من مشاكلى مع الشعب المصرى رفضى لقلة أدبهم اللامحدوده و أن كانت مخبأه

مقصدش طبعا الشعب كله أصله مينفعش أصلا يبقى الشعب كله قليل الأدب 

أقصد الشويه اللى بيسعدنى الحظ و اتعامل معاهم

لو بتسأل نفسك أيه الواد السافل السفيه اللى بيشتم فى شعب بلده ده؟

يبقى انا أسف انى جرحت  مشاعرك بعقدى و سفالتى و أرجوك متكملش

دلوقتى  ممكن استفسر عن حاجه؟

أولا هو أيه الفرق بين البجاحه و قلة الأدب؟

ثانيا يحصل ايه لو تساوى مقدار البجاحه فى الشخص مع مقدار قلة أدبه ؟

دماغى و دماغك....مساحتى و مساحتك

واحد صاحبى قاللى امبارح
مالك انت بالسياسه ؟ بتتكلم فيها ليه؟ تفهم أيه انت فى السياسه؟
مع أنى يمكن مبتكلمش فى السياسه قد ماهو بيتكلم دا انا حتى طول الوقت ساكت!

و بعدين انت عامل نفسك شاعر و محدش فاهم منك حاجه و كل محاولاتك فى الكتابه فاشله
مع أنى عمرى فى حياتى ما كتبت شعر
و أعترف أنى معنديش الخلفيه الكافيه اللى تخلينى كاتب أو شاعر
و هو عمره ما قرا حاجه انا كتبتها!

يا عم شوفلك حاجه تنفعك بدال الكلام فى حاجه انت مبتفهمش فيها
و فى الأخر لازم يطلعنى مبفهمش فى أى حاجه
هو فى أيه؟

و بعدين انا معاك للأخر تحب حضرتك أنى اتكلم فى أيه؟
ألكوره .....مبطيقش سيرتها
ألحريم ...أنت لو دورت على حاجه عمرى ما فهمتها ولا شكلى هفهمها تبقى هى دى
ألكمبيوتر ...بطيخه
ألتمثيل (حلم حياتى)...فشلنا والحمد لله
يبقى فاضل أيه؟

أفرق فى أيه عن الفلاح الفصيح؟ لو جبتلى فرق هديلك موزه و اوعدك مش هتكلم فى حاجه انا مش فاهمها
أنا يمكن معنديش موهبتك فى الكلام ولا فى أقناع الناس برأيك و شخصيتك ولا عندى خلفيتك
الثقافيه و الأدبيه
بس مش معنى كده أنك تقوللى أفعل ولا تفعل
هو هيبقى أحتلال بره و جوه و فوق و تحت و يمين و شمال
و فى النص كمان
أنا يمكن اكون حمار بس ماشى بدماغى وعندى رأى و عندى كرامه
حتى لو كان رأى حمار و كرامة حمار
وعندى مساحه من الحريه
حتى لو متر فى متر ألعب فيها زى ما انا عايز
ما تسيبنى العب فيها براحتى دى مساحتى أنا
أما انك غريب أوى
هو حد لعب فى مساحتك؟!

Wednesday march 17 /2010 around 10 pm in ramses, cairo, egypt i was buying a birthday present for a friend of a friend my eyes suddenly were layed on the most beauty full girl i've ever seen who suddenly stopped in front of me when i was talking on my cell phone and i just stopped talking when i saw her for a minute she had a very familiar face but i'm sure that i haven't seen her before i just was standing there allowing my eyes to enjoy her beauty as much time as possible, she noticed me and when i looked into her eyes i don't remember for how long her eyes were dark as a well i felt like i drown into and also resqued by her eyes she remained looking at me and when knew i'm about to drown she turns her eyes away from me and once again i drown i forgot about time i forgot what i was doing i couldn't see anyone or anything but her eyes, a harsh voice slammed my ears the mini bus driver was calling people who were waiting then i wake up we are at the bus station and she was waiting for the bus when i saw her moving towards the bus i tried to approach her before she get's in i stood next to her i said what's your name? she didn't answer i swear she was going to answer but she was shy of the people around us some of them were looking at me and her that's what made me ask her again what's your name ? again no answer, she get's in, i raised the cell phone to my ear yea i'm still here just couldn't hear you well

yes i'm almost there, ok bye

i hope i meet her again, i swear i will not go or let her go before i know her name.

لا أنسى الأيام الغابره

أشتقت للأيام الغابره ...أشتقت لأيام كرهتها
دهرا من الزمان كنت ضعيفا غض القلب حسن النيه بكل ما يحيط بى
كانت أيام

أنها حياة كامله

أولها أنسان ضعيف أحب أصدقائى
أحب اللا مسئوليه
أحب أولوياتى أنا
أحب أولياء أمرى
أكره أوامرهم الأولويات التى لا أنفذها
هناك من يحترف استغلالى و استغفالى
أبكى كالأطفال
لا أحد يحبنى ولا احد يكرهنى

أنسى حزنى أولا بأول

ثانيها أحب هذه الفتاة الجميله....مغفل
 أبكى كالأطفال....أستمتع بحزنى فى حبها

أكره الأوامر
أحب الفتاة الجميله وهى لا تحبنى

لا أجرؤ على النسيان

منتصفها أنسان ضعيف أصدقاء أكرههم
فتاة جميله أكرهها......أوامر أكرهها
 لا يزال هناك من يحترف استغلالى .......ولكنى لا أقوى على المواجهه
ضعف و حزن يتغلبان على دائما
أحب كل شئ مرغما

أحاول أن أنسى 

رابعها أنسان أكره نفسى
أكره أنسانيتى
أكره ضعفى الأنسانى أمام الجميع
وحيد لا أحد يكرهنى ولا أحب أحد

لا أنسى شيثا

أخرها
لا أحزن لا أقهر لا أحس
أكاد لا أشعر ألا بذاتى
أوامر أنفذ منها ما تراه الأنا مناسبا
أكره الجميع و الجميع يكرهوننى
أين أنت أيها النسيان؟!

و الأن كيان موجود ....أشغل مساحة فى الفراغ
دموع لم تخرج منى ...تشغل مساحة فى فراغى
و أيام هى ذاتها ذكريات أكرهها لكنى أشتاق أليها

حاله مرضيه ( طظ و أيه يعنى )

أحيانا و بعد شوية مشاكل من اللى توجع الراس ع الفاضى و تجيب المرض

أدخل فى حاله من حالات اللا مبالاه أسميها حالة( الطظ و أيه يعنى؟)

معرفش أذا كانت الحاله دى صحيه ولا لأ لأنها كانت ممكن تيجى فى غير أوانها

أو بمعنى أصح مش فى الوقت المناسب لكن مع ذلك لا أنكر أنها حاله مريحه و مرحه ألى حد كبير

بتخرجنى من دوامة تفكير لا تنتهى لما يكون الموضوع من العيار التقيل على نفسى 

كنت  فى فترة من حياتى مصاب بمرض اللا مبالاه يعنى لو الدنيا اتطربقت و اتهدت و اتبنت  

لا أنتبه كانت حاله شبه مرضيه عانيت منها بعد شفائى الجزئى منها لما بدأت أهتم

- بشكل جزئى- بحياتى ثم دمجت أليها مدى تأثيرها على اللى حواليا  و اكتشفت مدى الخسائر

وبعد ما بدأ الشفاء الجزئى  قررت ابتدى عملية الشفاء الكلى الذاتى

و بالفعل و صلت لنتيجه مرضيه نسبيا 

و بعد المرحله اللى و صلتلها فى الشفاء عرفت الميزه فى مرض اللا مبالاه

رغم أنه -على حد علمى المتواضع- مرض نفسى لكنه بيساعدنى  أحتمل التعامل مع  أصحاب العقد و النفسيات المختله

و بيساعد برضه فى تحمل ضغوط و مشاكل الحياه 

والنتيجه حماية المخ من المجهود الزياده اللى بيطلع فى التفكير العقيم المؤدى للأحباط

و اللى بيسبب تلف و انهيار  الجهاز العصبى  

ولذلك ومن أجل مصلحتى أولا -زى الضرايب كده- و من أجل المصلحه العامه ( المجتمع)

ولأن  عدم وجود اللا مبالاه فى كيانى يترتب عليه و صولى ألى مرحلة الجنون الكامل

واللى بالتالى هتأثر على حياتى و على  المجتمع المحيط

فقد قررت بكامل أدرادتى الأحتفاظ بالجزء اللى موجود من المرض   وعدم  التخلص منه بهدف الأستعانه به  بشكل دورى للحفاظ على حياتى الشخصيه و الجتمع المحيط بى  و أن وجب الأستدعاء أو التنشيط للمرض و الأعراض المصاحبه بالوسائل الروحانيه أو  بالتدخل الأصطناعى المحمود العواقب و المصرح به رسميا فى قوانين الدوله والأعراف  

ملحوظه  يلغى  تنفيذ القرار فى حالة ظهور أى أعراض جانبيه مؤثره على المصالح الشخصيه .

لا ذكرى

لا أريد أن يتذكرنى الناس 

لا يتذكر منى احد أى شئ على الأطلاق

لا كلامى ولا تصرفاتى ولا شكلى حتى

فأنا لا أتذكر من الناس سوى

دناءة البشر و ضاعة تصرفاتهم و أشكالهم التى يستغلونها كما يحلو لهم

نفسى فى صاحب

بس عرفت- يااااااااه ألحمار فهم- لأ متستعبطش أنت فاهم من الأول

بس خايف تقول أن نفسك فى صاحب فى حد يسمعك

صاحب بجد يكون صاحب و صديق و طبيب نفسى و مفيش مانع أنه يكون جدع و صاحب صاحبه

بس انا يمكن اللى مبعرفش اصاحب حد مع أنى شايف أنى صاحب صاحبى و جدع مع اصحابى و حاجات كتير

بس بعد معافره مع نفسى عرفت أنى مليان عقد نفسيه و كلاكيع و بلاوى ملهاش أول من أخر

زى الخيط الصوف لما يتعقد بيبقى مفيش منه أمل ألا لو انت بالك طويييييييل

لدرجة أن الملل يمل منك والزهق يزهق منك و انت قاعد بتفك فى العقد

و لازم أفك العقد دى علشان اعرف اصاحب حد

قعدت مع نفسى كتير و فكرت ياما فى أحوالى لحد ما بقبتش افكر فى حاجه تانى

طلعت كام عقده؟ يا نهار اسود دول كتير أوى وبعدين كده باظت خالص

بس يعنى هى الناس مفيهاش عيوب دى البشر كلها عيوب

و مستحملين بعض هى يعنى جات عليا انا و قفلت

ع العموم أنا عملت اللى عليا و عرفت عقدى و مشاكلى و ابتديت احلها

أنا هقضيها منير و هبقى انا طبيب نفسى النفسى

بس انا نفسى فى صاحب